जिल्हा अधीक्षक कृषी अधिकारी कार्यालय, कोल्हापूर येथे मंगळवार, दिनांक 17/01/2023 रोजी ‘’आंतरराष्ट्रीय पौष्टिक तृणधान्य वर्ष 2023’’ साजरा करण्याचे निमित्ताने जिल्हा कार्यालयातील सर्व कृषी कर्मचारी महिलांनी एकत्रित येवून पौष्टिक तृणधान्याचे महिलांचे आरोग्यासाठीचे महत्व सर्वांना समजावून सांगितले. यावेळी ज्वारी , बाजरी, नाचणी , वरी व राळा या धान्याचे प्रदर्शन देखील करण्यात आले. नाचणीमध्ये प्रोटीन व फायबरचे प्रमाण जास्त असून साखरेचे आजारासाठी देखील उपयोगी आहे हे सांगितले. तसेच महिलानी आपल्या कुटुंबातील आहारात तृण धान्याचा जास्तीत जास्त वापर करण्याबाबत प्रबोधन करण्यात आले.