मौजे रुन तालुका लांजा जिल्हा रत्नागिरी येथे कृषी विभागामार्फत आंतरराष्ट्रीय पौष्टिक तृणधान्य वर्ष 2023 साजरा करण्यात आले. यामध्ये प्रामुख्याने नाचणी, वरई, राळा, ज्वारी, बाजरी, राजगिरा या पौष्टिक तृणधान्यांचे आहारातील महत्त्व व फायदे याविषयी माहीती देण्यात आली. तसेच कोकणातील भातानंतरचे प्रमुख पिक असलेल्या नाचणी पासून बनवण्यात येणाऱ्या विविध प्रकारच्या पौष्टिक पदार्थांची माहीती देण्यात आली. त्यामधे नाचणीचे लाडू, नाचणीचे सत्व,नाचणीचे पापड, नाचणीची वडी, नाचणीची चकली ,नाचणी बिस्कीट, नाचणीची इडली हे नाचणीचे प्रक्रियायुक्त पदार्थांची पाककृती सांगण्यात आली.या कार्यक्रमास रुण गावचे सरपंच सुहास साखरकर व ग्रामस्थ शेतकरी महिला व कृ.स. के.जी.पाटील यांसह 30 शेतकरी उपस्थित होते.